Ignazio Porcheddu

Est naschìdu in Posada (Nu) su 1943, bidda chi at devidu lassare, in sos annos '70, solu pro duos annos e pro motivos de trivallu. Est isposadu, da-e 47 annos, chin Anna Maria Serra e at duas fizas, unu fizu e ses nebodes. At cumintzadu a 14 annos, chin innossentzia e passione, a fagher su muradore; arte chi at semper amadu e chi ancòra oje faghet fadiga a la lassare. Sa passione pro su trivallu, si puru fit primmidìa, fit pretzèdida da-e cussa pro sa poesia. Cumintzat, ancora criatura, a iscurtare, incantadu, sos poetas improvvisadores, cussos de parcu e cussos de sa 'idda sua, chi fin paritzos, tra sos cales duos frades suos: Predu e su biadu, Pàulu. Sas garas de parcu diventaian semper prus a làschiu e su mantessi fit pro su càntigu de sos tzillèris. Da' inoghe, Innatzio, cumintzat a iscrier carchi rima e, prus a pustis, chin sa nàschida de sos premios de poesia, provat, chin umilidade, a bi partetzipare. Su primmu riconnoschimentu, una mentzione, ammentat de l'haer hàppida in Tissi su '81, mentzione chi l'hat incorazadu e ispintu a sighire. Son sighidos ateros riconnoschimentos e in su '83, in su premiu "Marghine"de Bolotana hat pigadu su primmu de sos primmos premios chi a pustis son sighidos; sos urtimos, in ordine de tempus, su 2012 in sos premios "Sant' Antoni de su o'u" de Mamujada e "S'Isciareu" de Flussio.
In su '82 at dadu vida a su “Premiu 'e Poesia Posada"; premiu jòmpidu a sa trentunesima edizione, ancora in vida, in bona salude e apretzadu da-e totu sos chi an apidu su modu e su piaghere de lu connoscher.
At pubblicadu parte de su trivallu poeticu sou in su '96 chin "Granos" e, in su 2006 chin "Pessos".
Est istadu premiadu in:
Atzara- Benetutti - Bolotana - Bonorva- Bono- Bortigali -Chiaromonti- Dorgali - Flussio- Iscrocca- Ittireddu- Lodine- Mamoiada- Macomer- Monti - Mores- Nuoro-Olmedo-Oniferi -Orgosolo-Ortueri - ¬Oscheri -Ottana-Ozieri - Padria- Pozzomaggiore-Siniscola-Sorgono- Tiesi- Tissi.
(Giannetto Lapia - 2013)

  1. Istraccas ma non bintas
  2. Non los sigas, o morte!
  3. Pessamentos
  4. T’an fattu ladra
  5. Tempus

CONTOS

COSTANTINO LONGU    FRANCESCHINO SATTA    POESIE IN LINGUA ITALIANA

Elenco Poeti

INDICE  A B C D E F G H I J K L M N O P Q R S T U W X Y V Z