Poesia in lingua sarda - Bolotana, 1930
Sa tessidora
Cudda die passande un sa carrela
de ue abitas. Ninedda dechida,
ti bidesi chi tue fis sezzida
in su telarzu tessinda sa tela.
S'espressione mia est giusta a crèla,
mai che-i sa die ti appo ida;
de su mudu chi mi se apparida
de chelu mo pariat un'anghèla.
Ma su chi ti rendiat pius grazias,
prus de sos movimentos flessuosos
chi cun sas ancas e brazzos faghias,
fini sos bellos muttos amorosos
chi, a tempus a su zoccu de sas cassias,
cun boghe armoniosa cantaias.