Costantino Longu

Pedr' 'e arzola in su tempus antigu

e chissà cantu in custu pamentu,

tirada da' su giuo a passu lentu,

nd'as triuladu de orzu e de trigu.

S'iscreviada faghiat azigu

s'ispiga a su tou movimentu,

de pistare li eniat s'obbligu.

Prus de una nd'as fattu inghiriada

in sos tempos chi passados che sunu:

troppu a su massaggiu ses servida.

Como ses a un'oru fuliada

senza nde tenner calculu perunu

ca da' sa trebbia ses sostituida.