Poeta in lingua sarda
Franceschino Satta
Autore della poesia “Nostra Sennora 'e Balubirde”
Vai al profilo del poeta
Poesia in lingua sarda
Nostra Sennora 'e Balubirde
In mesu a milli tuppas de mudrecu,
in su coro ’e sa terra
prus agreste ’e su mundu,
ricamada ’e irbottu
e de bellos montricos,
tue, o Nostra Sennora,
has sa dommitta ’e prata,
ube unu tempus, creatura ’e nudda,
sonniabo, tra lusingas
e toccheddos de coro,
disizos innossentes
e bolos d’alligria.
Mama istimada, Santa premurosa,
tue ch’ischis sas penas
chi mi forzican s’anima estasia,
dami sa forza, dami sos alentos
ch’illuminan sa bida.
No! Non cherjo cunzaos,
ne tancas, ne palattos,
ne benes de fiera;
ma sa pache serena
sa chi nutrit s’ispiritu.
Custu ti pedo, o Santa. Dego intanto
pro tene hapo a collire
lizos e rosas d’oro. E t’ hapo a dare
s’alinu ’e milli canticos de gloria.
Dami, o mama ’e su coro, s’armonia,
chi pro birtude arcana
frorit che lizu in sinu
e bolat che profumu
in sos innidos prados de su chelu
e in sas miseras dommos de sa terra.
Nota
Ottorino Maria Alberti
Con rapide pennellate, Ella è riuscita a interpretare il fascino di un paesaggio che, nella sua agreste semplicità esprime una bellezza che riempie il cuore ed eleva lo spirito. E dalla visione della piccola chiesa "in mesu a milli tuppas de mudrecu", la Sua anima ha preso l’avvio per una contemplazione che Le ha dato la possibilità di aprire il Suo cuore a una preghiera, che è un vero canto di speranza e di fede. E bisogna esserle riconoscenti perché rivelandoci il fondo della anima, costringe quanti leggono le Sue rime a partecipare ai suoi stessi sentimenti...
ARCHIVIO ALFABETICO