Poeta in lingua sarda
Costantino Longu
Autore della poesia “Brigata Sassari”
Vai al profilo del poeta
Poesia in lingua sarda
Brigata Sassari
Balanzadu ti as onore e gloria
restat de te eternu s'ammentu,
invincibile in su cumbattimentu
gherrera fisti senz'aer timoria.
Annanghinde vittoria a vittoria
timidu mai nd'as trinceramentu,
ammirabile fis pro ardimentu
sa fama tua registrat s'istoria.
Addimustradu l'asa chi sa sarda
istirpe forte, in totu sas battaglias
s'infiammat d'ardore sacrosantu.
A l'attestare sa forza gagliarda,
risplenden d'oro sas battor medaglias
in sas bandelas, pr'onore e pro vantu.