Costantino Longu

A circa milli metros de altura

ses de Palai in s'altipianu,

ses logu de recreu, as clima sanu

e funtanas perennes de abba pura.

Sos buscos tuos pienos de friscura,

birdes, chi paren in eternu eranu,

sa zente nde attiran dae lontanu,

ch'enin in gita e in villeggiatura.

Contes, prinzipes e fizos de rèse

an buffad' abba in sas tuas funtanas

ospites de sos padrones inglesos.

Sa villa circundada da' giardinos,

de sos Piercy fastosa dimora,

at ospitadu e ospitat ancora

personaggios famosos e ladinos.

Libera creschet in custos terrinos

sa fauna, passizzeri, ti ristora

in s'umbra 'e chercos, elighes, oppinos.

Si a s'altura pigas de Camorra

e da inie attentamente miras

custu meravigliosu panorama,

a tale vista incantadu suspiras

e in su coro ti naschet sa brama

custos logos de visitare torra.