Oijoi homines de su vintunesimu seculu
ite tenies in sa mente
e in su horo?
No juhies prus memoria
de sa bellesa de s'universu intregu
e de s'omine d'ogni razza e d'ogni limba,
hi es capassu de ahere operas
hi sa terra mudan
e honoran?
Proite ahies sempes gherras
semenande terrore
intro 'e su horo
de mamas afflittas
homente sa prus manna
Mamma de dolore?
Proite huhidies
sa bella gioventude
e sos piccinneddos
minores innocentes?
Sa Passione de su Nazarenu
no est galu accabbà!
Vinas a bois sa mamas fostras
han dau horo e umanu sambene.
Terroristas tottu cantos,
isparthinaos e isticchios,
corottaos in modu hi si vois matessi
bos pompiais bos timies.
E improvvisu lampu
essies pro uhidere innocentes.
Voi juhies su horo in trumentu.
Pare hi seis andaos a s'ifferru
a che vattire s'odiu 'e Cainu.
Volies distrughes s'interu Pianeta,
s'homine,
s'istoria de sas antihas cividades,
e sas bellesas
de su mundu intregu.
Torraibos a homines,
non siaes prus belvas!
Tantu s'urtima paragula
no ada esses sa vostra.
Himmente no hat bintu sa Morte
in su Nazarenu,
e isse solu,
dae mortu a bivu,
dopo tres dies,
est torrau nandenos:
Pahe a bois!
Torrai a s'umana sociedade
e in cussa die tottu podamus
abbohinare alligros e huntentos
eppuru, eppuru
est iscoppià sa pahe