Poesia in lingua sarda · Orotelli, 16-04-2011
A Peppe Concas
Che punta e diamante sfidau
appo sa vida, traschias e affanos
e in mesu a dolores mannos
sofferente, appo trionfadu.
Sa resistentzia chi Deus mi à dadu
de arrivare vinas a chent’annos.
Pattimentos, sufferentzias e malannos
è sa sa clementzia chi Deus mi à dadu.
Sa volontade, sa vide, s’iperantza
de lottare contra onzi traschia
er de Deus sa proa ladina.
Sa persuasione, sa sa costantza
à propitziadu sa vida mia
cuncessa che Gratzia Divina.
Tramite Luisi às fattu usu
de chie bonu sentimentu criata;
e cun sinceru decoro imbiata
su chi ata in coro profusu.
Cun sa Santa Trinidade e Gesusu
propitzia de benessere di siada,
e Isse salude bene di diada
chent’annos de vida e piusu.
In custa euforica eccesa
mi ata abbiadu anim’e coro
sa poesia Tua che luche accesa.
De virtude di ridat’e grandesa
sos propositos Tuos e decoro
de sa vera e nobile gentilesa.
Cun su coro prenu de mestitzia
di ringratzio de sos Tuos cumplimentos,
e chin custos leales sentimentos
crescata verdadera sa nostra amicitzia.
A Peppe, Luisi e Signora Maria
un’affettuosu saludu de parte mia.