“Bultigiata” tu sei i’ lu me’ cori
da candu steddhu alzagghìa cu’ lu trenu
sei maraiglia ti fai sempr’onori
eu no’ m’intendu in te pal nuddha angenu.

Da la mani a la sera li pastori
trabaddhani ‘ugna di’ lu to’ tarrenu
torrani a la so’ casa cun sudori
pari chi no’ li manchia mai l’alenu

“Vescamu” una di’ socu turratu
e in la festa di Santu Nicola
agghju incuntratu li palsoni boni

m’abbracciaani cuntenti cu’ li doni
no’ socu celtu filmatu a la sola
insembi a Santu Brancacciu ‘emu pricatu.

settembre 2020