Zennarzu
di Giuseppe Concas

Sa notte, sa zente unida in gruppu
Pro s’annu nou su primu segundu
Es s’arrivu de su primmu puppu.

Beni diffusu in donzi parte e mundu
E prontos cun ampullas e tazzas
Allegros buffande a giru tundu.

Ispumantes de varias razzas
Chi pro sa die non timen s’ispesa
Peri sas domos ei sas piazzas.

Dae intimu e coro gentilesa
Tradiziones a sos antigos usos
Augurande saludu a bezzesa.

Divertinde cuntentos chena abusos
Cun zoccos de bombettas e petardos
Cun fusiles de marca e archìbusos.

Crabitos e anzones sardos
Arrustidos in d’onzi cumpanzia
E ispidos de sartizza cardos.

Dae primm’annu a s’epifania
Sas dies festadas totas sese
S’urtima fini su fizu e maria

Sa pasca solenne e sos tres rese
Regalu a sos pizzinnos carchi giogu
Ammentu e sa beffena in custu mese.

Poi dies Antoni e su fogu.
Su deghesete una festa normale
E tottu illuminadu es custu logu.

Fogu e linna e artificiale
Est unincantu e milli colores
In s’adde de pirastru in su canale

Unu giardinu pare de fiores
Su centru de sa idda illuminadu
Tottu pro su santu sos onores.

Beneighe de s’asilo onzi criadu
Su personale e pizzinnos minores
Salude a tottu e bonu resurtadu.

Su mese de lampadas de su 2007 in Bolotana