(Pro Giuseppe Concas)

A Peppe Concas tenzo su dovere
de li rispondere pro sa poesia
ca a mie fattu ha tantu piaghere
cando a Bolotana arrivadu fia
su chi mi ada dadu tanta nostalgia
dopo de tantos annos pro ischire
chi si fidi a iscriere dedicadu
versos bellos in rima a mie dadu

Sunu ottavas dettadas da-e coro
iscrittas in perfettu sentimentu
chi solu a bei pessare unu momentu
mi han toccadu sa mente a moda insoro
sunu istadas de gioia e ammentu
e las mantenzo che unu tesoro
ca sunu ene cumpostas cre a mie
gai non sinde iscriede ogni die

ti favoridi su tempus sa memoria
a cumponner bi pones un’istante
de sos bolotanesos ses sa gloria
ca poesias iscries costante
raccontas de tottu sas vittorias
e ti favori sa rima bundante
sena nde faghere a niunu affrontu
las raccontas comente unu contu

ti dia narre unu geniu sese
ca faghes poesias de continu
ti favoridi sa die ei su mese
abbundante las tenes in su sinu
penso chi ti favoridi su destinu
a su chi penso deo si bei crese
pro comente sunu totu bene fatas
rimandas bene e su motivu adatas

deo si poto a ti ringraziare
sa tua gentilesa e cortesia
pro chi aberu una bella poesia
sa chi a mie mias devidu dare
e postu mi ha su coro in allegria
e mi a fattu riflettere e pessare
de su passadu e de su presente
gai tottu torradu mi este in mente

pro su momentu restamos sospeso
saludo dottu sos bolotanesos.