Uliana
de Vanna Flore

Uliana, non ti podo irmenticare
cras vengio cuntenta a ti chircare,
dae minore t’hapo lassadu
cada die t’hapo lumenadu.
Inghìrio sa cresia de Santa Maria
chi m’hada connottu in sa pizzinnia,
mi paso a su Carmene andandhe, andandhe
umbe hapo viviu abba vrisca e colliu lande.
Intro a sa corte de mannai
chi no aviada portale e galu este gai,
mi rifrisco a su Corrasi e a Maccione
a sa Vena e a su Gologone.
A sero saludo tottu sa gente
vivendhe una tazza de vinu Nepente,
e unu guccichedhu de abbardente
prumintende de torrare de rezente.