Cristoforo Puddu

Tzertas bortas, mi piaghet passizare

In sa bella campagna illoraesa;

S’aera sana est costante richesa

In logos incantados de mirare.

Chirco sas pinnetas, pro ammentare

De Mannos mios s’antiga abilesa,

E sas cussorzas chi naturalesa

Ant costoidu de su pastorigare.

E tandho su coro in abbolotu

M’ispirat arcana e noale poesia

Cun sensu craru de chie b’at vividu;

Sos versos naschint a ispantu e fiotu

Pro cantare s’amena ‘idha mia

Chi metzanas istajones at sufridu.