Trenos happo connott' in bidda mia,
volenterosos trasportende,
cun fraccassu e senz'armonia,
medas pizzinnos' chi funi istudiende.

Operaios chitto su manzanu,
pro annos e annos han fattu,
Dai Nujivi a Tatthari hana iazzadu,
manzan'e' sero pro attire su reccattu.

Chie silenziosu, chie in allegria,
chie cantende pro passare s'ora,
chie assonnadu invece si drommia;
e s'istudente ripassende pro s'iscola.

De cussos trenos intendia su dolore,
che duos boes tirende su carru,
incaminadu hana a proffessores,
cando a istudiare fud' un' azzaldu.

Chie a trobagliu, e chie pro iscola,
cun lettorinas o locomotores,
Nujivi de bona volontad' ha dadu proa,
de su trenu accumpagnende sos vapores.

Onore do a chie tando ha biazzadu,
cun cussu Trenu, como penzionadu.

Ollolai 20/10/2014