Cantu m’aggradan cussos bendidores
de sentidos e sinnos bardanados
cando cara chin coro, baratados,
si los ana po miseros valores…

E bestin de balentes iscritores
chin birgonzosos testos copiados
o po contos e versos premiados
a milli ‘ortas cheren sos onores…

Poveru sardu, povera poesia,
disonorada dae pagas pessones
chi la brivan d’orgogliu e galania!...

E si ponen in mustra che paones
abbirgonzande custa terra mia
ue che colamus totu po furones…

Mentzione d'Onore 3a editzione Prèmiu de poesia “Armando Pira” - Nùgoro, 19/08/2016