Nadale! Una 'oghe de amore,
armonia de cantos pro sa paghe,
ammentu 'e pitzinn' abbonadore
abberit coro fintzas a marraghe.

Benit Nadale pro s'ispera noa,
totu mudadas domos e carreras,
de perdonu nos pedit una proa,
de caridade isterret anderas.

Torrat Nadale, fest'in s'universu,
sa terra mia semper in peleas,
sas terras lontanas galu gherrende.

Nadale! M'est frade 'onzi diversu,
in s'anima fiorint sas ideas,
totu sas ratzas si sunt abbratzende.

Natale! Una voce d'amore,
armonia di canti per la pace,
al ricordo di un Bambino pacificatore
apre il suo cuore anche il più restio.

Arriva il Natale portando una speranza nuova,
le case e le strade sono addobbate a festa,
ci chiede prove di perdono,
stende sentieri di carità.

Ritorna il Natale, l'universo è in festa,
la mia terra è sempre in lotta,
le terre lontane stanno combattendo.

Natale! E' mio fratello il diverso,
nella mia anima fioriscono buone idee,
gli uomini di ogni razza si stanno abbracciando.

Olbia, Pasca 'e Nadale 2015