Ti asede sa fortuna
di Mimmia Soro

De s’oculista sa manu segura
cun maestria e perfezione
had’allutu su tou lampione
chi diffetosu fit da criadura.

Ti ch’est toccadu a edade madura
Un’annu pima de sa pinzione,
su chi deris pro te fit visione
oe limpida e giara est sa figura

Aberi sorre amada sas pupias
A s’aera isteddada in nott’e, luna
e de s’arcubalenu a sos colores.

E che abe chi asada sos fiores
chi asede a tie sa fortuna
ti saludo e fortunada sias.

(Olanda)