Terra abba vida
di Giuseppe Concas

Tottu sas bundhantes venasa riccas
no allatadasa perden brioso
e torrana che trainu sos rioso
in tempus de istazones criticas.

Male nutridu non rezes ne ficcas
e normale pro esseres bioso
si no cherbas chei sos istioso
solu lughe che pianetas siccas.

Sas abbas de mare sunu in terra
donzi sementza corpus animadu
ziru tundhu tundhu in donzi perra.

Manc’unu puntu chere trascuradu
unidos pro sa paghe no sa gherra
che parcu naturale rispettadu.

Bolotana, 15-01-2012