Poesia in lingua sarda - Orotelli, marzo 2016
Tempus Passadu
Tempus passadu, dimand’ ha tie
Proitte dae me vuidu ses lontanu?
Como chi so ezzu e pili canu
Cussos’ ammentos turmentan’ a mie
Cando giocai in mesu su nie,
cando collia vrores in beranu,
cand’ ammiraia su manzanu
s’aurora, annunziande sa die.
Cando custu locu de terradoro
De tricos, e armentos vi pienu,
De buscos bellos de onzi genias,
Como cun sa tristura in su coro
Miro, ispozadu su terrenu
Nudu, che i sa candida conca mia