Bolat mulinanne a manca e a destra
E paret ballerinu de s’Iscala
Lestru lestru si ch’intrat a sa cala
Che fritzza iscoccada dae balestra.

De cant’est minoreddu e delicadu
Lu podes mantenner in sa manu
Semper caru a sas pitzinnas est istadu
E dae sos poetas mannos it cantadu.

Su puzzone azzudat sa natura
Ca non bi dassat muschineddu o urmica
Istat appostadu in sa vrustica
Po catzziare donzi minima creatura.

Non chirches de lu ponner in prejone
Ca no est amant ’e sa crejura
Istat liberu de bolare in sa radura
E de campare una sola istajone.