| Su mare de idda
de Vincenzo Pira |
 |
|
Cant’est bellu a che lu idere dae innedda dae sos artos montes predrosos cando su brunetinu de su chelu che tocat sas abbas de Ilune e non t‘abitzas in ue finit o in ue cumintazat sa erta atta dae sas ateras abbas chi essint dae padentes attundeche ganas de vida e sinnos de friscura. No mi sècuro dae Ghivine a Toddeìto in sas andalas de praiche in ue siant sos rastros cuaos o sos sinnos in s’arena dae Cartoe a Osala chi sas mareas c’ant lavau comente achet su tempus chin sas promintas de eternu. Su monte t’est babbu chin sa gana de su zustu e sa marina t’est mamma chin mira a s’imensu. T’ant imparau su disitzu de paridade su bisonzu de liberdade, e s’obricu de torrare a n’ue ti potas ispricare e po sempere annodidare. |
|
