Galu m'ammento cando dae minore,
sa prima orta t'happo incontratu,
s'allegria improvvisa, s'isermore
chi in su coro lueg'has allumatu.

Non solu mannu, parias infinitu,
su colore tott'unu chin su chelu,
cambiaiti, e dae su sole beneitu,
comente unu luminosu velu,

cuntentu, tue jocaisi chin su entu.
E sa muita, una bella melodia
it d'unu sonadore de talentu,
chi de badas, creaiti bella armonia.

E pompiande sempere ispaventu,
cherio ischire su ch'it tottu custu
e mi hana natu a su mamentu,
chi it su mare e so galu sustu.

C.P

©. 2026 Pietro Bellu - Tutti i diritti riservati