Su Decalogu
di Bainzu Cossiga

Ama unu Deus solu summamente,
Mai jures su Nomen sou invanu;
Sanctifica sas festas punctualmente;
Honora a Babbu et Mama, o Christianu.

Non bochas a niunu pro niente:
De Deus solu sa vida est in manu,
Non luxuries: sias continente.
Non fures mai, né sias tiranu.

Su falsu non lu nerzas: tene in frenu
Su coro, pro sas malas passiones,
Quà si non sunt frenadas, sunt velenu.

Non disizes né robba né persones;
Rispecta totu cuddu qui est anzenu:
Diversamente, s'anima bi pones.