Pro te Antoni tripio custa raba
si ancora de sutzu at calchi ‘utiu
no s’est sica ca semus in s’istiu
puru in ijerru no bi campat craba.

Cheria oferrer sos dulches de saba
in pastu licantzias a disafiu
ma tenzo solu calchi trataliu
chi no nd’agatas in mesas de paba.

E tando? Oe mi so orioladu
ca mi torrat su bantzigu a criadura
cun totu chi so gàrrigu de afannos.

Si cun megus sa vida istada est dura
no malaigo sos passados annos
ca calchi cosa ‘e bonu mi at lassadu.

9 de cabidanni de su 2020

Roma su 22 de triulas