O Luca fortzis Tue non ddu crese
cantu Ti pentzo e mi addoloro
ca Ti tenzo in limba mente e coro
puru de largu vicinu mi sese.

Ca si podio cun sos meos pese
de Ilartzi andaio a Nuoro
aspetto ansiosu mi onoro
torres sanu a fine de su mese.

Po s’annu nou paris faer festa
unios in sa nosta famiglia
cun sa paghe serena sentza affannos.

Po chi tue dda festes a chent’annos
T’auguro fetzas meraviglia
po su meritu a fama onesta.

Ispero tottu bene de su restu
a nosi bier su cantu prus prestu.

Nonnu

Ilartzi, 23-12-2008