Stàminis de Amori
(Faustino agli amati figli…)
de Sandro Chiappori

“… po is moris arramaus
s’andai miu “lieru
e chene meri”(1)
mi donat assussegu
e mi-ndi tirat su sidi
custa mitza de luxi
aundi potzu boddìri
chemus de paxi e giustìtzia
e mi gosai s’impràssidu
de sa “prenda mia stimada”(2)
ch’in d-unu bratzolu de nui
sighit a si respirai in su coru.
Est unu stàmini corriatzu
d-unu telàrgiu de amori
sa vida…
e de innoi ancà su tempus
portat sèmpiri cara de beranu
po ‘osàterus fillus stimaus
chi s’arregordu de mei
teneis ancora allutu
in logu aundi frorìus
funt is fueddus de is poetas
deu ap’a intèssiri
versus nous de poesia
po si podit intèndiri prus acanta.
Deu s’apu stimau
meda… cantu
mai eis iscìpiu.”-

FILI D’AMORE (Faustino agli amati figli…)

“… per gli infiorati sentieri/ l’andare mio “libero/ e senza padroni”/ mi dà serenità/ e mi disseta/ questa sorgente di luce/ dove posso attingere/ giumelle di pace e giustizia/ e godere dell’abbraccio/ del mio “amato tesoro”/ che in una cuna di nuvola/ continua a respirarvi nel cuore./ È un filo tenace/ d’un telaio d’amore/ la vita… / e da qui dove il tempo/ ha sempre il volto della primavera/ per voi amati figli/ che tenete ancora vivo/ il ricordo di me/ in luogo dove fiorite/ sono le parole dei poeti/ io tesserò/ nuovi versi di poesia/ per potervi sentire più vicini./ Io vi ho amato/ tanto… quanto/ mai avete saputo.”

1) dall’omonima poesia di F.Onnis
2) dalla poesia “A issa” di F.Onnis

Premio Speciale Faustino Onnis 2016 - III Edizione del Premio d’Arti Faustino Onnis