Sos primos basos
de Mimmia Soro

Cando sas laras tuas cun sas mias
Pro un’istante hamus accoppiadu
A narrer tottu cantu hapo proadu
No sun bastantes milli fantasias.

Dadu chi tue che deo cherias
De ti asare e mi haer basadu
E coro e mente idere aundadu
De amore,d’affettu e bramosias.

In chimbantasesannos su fiore
Hada creschidu e moltiplicadu
E godimus su fruttu prelibadu.

Ca de sos primos basos su sabore
Est’ancora presente,ca giuradu
In cussos basos un’eternu amore.

(Olanda)