A Tia Mallea Pira dae coro

Sa vida es comente una frensada
Tessida cun filonzu e fortuna,
A sa naschida si nde rezzid una
Dada, pro sorte, ben imboligada

A bortas s agatat istampada,
O nida, chena nesiga peruna.
Sa ostra, bo l'an bene seberada
E tessida suta bona luna!

Forte s'ordinzu e menzus sa trama,
Bella sa mustra, fata cun apentu,
Seberados, cun zeniu, sos colores.

Pro grassia de Deus e de Sa Mama,
Paris cun netas, fizas e nebodes,
Godidebos sos primos annos chentu!!

Bolotana, 14-12-2016