Sienda
di Gildo Montroni Deledda (Montior)

A l’ora isviriadda di li tre
arinotti già m’era sunniendi
d’assè nienti di mancu che lu re
d’un loggu undì so tutti trabagliendi.

Assai ni pussidia di siendi
casi, aribari e d’oru umbè umbè,
di vinu v’era un riu sempri farendi
mègliu di cantu in Sàssari zi n’è.

Cori di babbu! intendu una sudadda
a lu me’ fiancu dresthu e un casdhareddu
chi mi paria cosa disizadda.

Era inveci lu nosthru picinneddu
chi m’abia fattu in costhi una pisciadda
commu un càntaru mannu di Ruseddu.