Sicagna
di Antonio Piras

Sicagna...
comente a narrer peleas,
cumbatas
die po die,
e isetu de abbas
a nd'istudare s'assutore.
Sicagna...
in sos laores
de custa terra assoliada
ma chen'asseliu.
Sicagna...
in sas zimineras
chena isperas
de torrar'a fumare,
in sas bussacas boidas
de sos tribagliadores
ghiados a domo.
Sicagna...
finas como
in custa terra chen'azudu,
isetande chi falen
da in altu
duas pispias:
druches melodias
in d'una cantone antiga
da 'e ora connota...
ma istonada!

(2° premio al Concorso Nazionale di Poesia "Mendranze n poejia 2011"- VI Edizione)
Arabba di Livinallongo del Col di Lana, 10-09-2011