SI FESSI STETIU PRUS INTELLIGENTI

Si fessi stetiu prus intelligenti
de camisas tres parigas ndi tenìa
e una dogna dì mi ndi ponìa
comenti ùsat a fai meda genti

chi càmbiat de camisa prontamenti
candu dda bìnt apena scolorìa.
Ma po fortuna sa camisedda mia
no s’est scolorìa propriu nienti,

e candu dda portu infusta de sudori
-cosa chi càpitat dogna dì de mesi-
no potzu fai de mancu de pensài,

ita bàlit su traballu e su valori
candu camisas si ndi tènint tresi:
duas po fingi’ e una po furài ?

Raimondo Piras noto Mundicu - Giugno 1957

 

Statistiche sito,contatore visite, counter web invisibile
WOP!WEB Servizi per siti web. Contatori, statistiche, forum, sondaggi... GRATIS!