Sesi sa luxi, su tebiori
de Sandro Chiappori

“No tengiais timoria”,
iasta nau!

Prus nisciuna timoria
deu no tengu Signori miu
poita leas cibixia a is isperas,
poita me’ is bias Tuas de amori
mundas arressélius e solidadis,
poita donas caboris a sa circhiolla
e a cussas sitzieddas e a is panicuccus
c’ant a torrai a nàsciri in beranu,
poita aintr’’e is mudoris
de nottis de ispinas e daboris
su coru Tuu intendu sèmpiri
aintr’’e su miu.
Poita is cotzinas abbruxadas
‘olint nai foxilis mai studaus:
in s’iscunnortu
sesi sa luxi, su tebiori
po s’anima mia.

Deu no tengu prus nisciuna timoria,
poita piedadi e perdonu
m’as concédiu.
No tengu nisciuna timoria
poita aintru de Tui
app’agattau refùgiu.


SEI LA LUCE, IL TEPORE - “Non abbiate paura”,/ avevi detto!/ Più nessuna paura/ io non ho Mio Signore/ perché togli la brina alle speranze,/ perché nelle Tue vie d’amore/ mondi rimorsi e solitudini,/ perché colori l’arcobaleno/ e quelle pratoline ed i fiordalisi/ che rinasceranno in primavera,/ perché nei silenzi/ di notti di spine e dolori/ sento sempre il Tuo cuore/ dentro il mio./ Perché i ceppi bruciati/ sanno di focolari mai spenti:/ nello sconforto/ sei la luce, il tepore/ per la mia anima./ Io non ho più nessuna paura,/ perché pietà e perdono/ m’hai concesso./ Non ho nessuna paura/ perché in Te/ mi sono rifugiato.

1° Premio LOGUDORO
Otieri – duamiza e doighi - XXXI Edizione
setzione Poèsia Religiosa “Gigi Sotgia”