Sas venas de Saldigna
de
Fernando Piras

Primmas in Saldigna sas pedras,
fattu b' hana tumbas' e runaghes,
cun issas antigos' altares,
pro pregare cando fun' in pena.

Istradas no b' haiad' consolares,
e pagos ancora uttorinos,
attraessada dae pagos caminos,
logos ch' in pagos podian cattigare.

Inie b' haiad' pagos rios,
ne barcas pro los poder navigare,
antigos caddhos de domare,
“balentes” tando funi sos sardos mios.

Tando! Dae forestas' e montes,
intendiana su entu sulare,
dae costas lontanas de su mare,
atteras zentes' a bi fagher' pontes.

Ancora gai semus' in cadenas,
teraccos' a nos faghere dominare,
proare podimus' a segare,
agatare su modu sas maneras.

Chi torrene bundantes sas venas,
umpare a s' antigu coraggiu,
sighende ancora cussu viaggiu,
lassendech' a' issegus sas penas.

Dae subra sos runaghes s' orizzonte,
su chelu de ider torra ciaru,
sa lughe de Saldigna che faru,
a ilciarire tottu! Primmu chi sole tramonte'!!!

Ollolai 25/10/2015