Isperat s’oju ‘e su sole
cando si drommit sa nue.

Donna Luna, cun pilos de isetu,
s’est mirende in s’ispiju ‘e sas bramas,
ispizende una chimera incanida
in sos rodones de unu chimentu.

A conca bascia sos butios de s’anima
aproendana disizos isdentigados
dae resorzas de tempus.

Giogat sa tramuntana
in sa colostra ‘e sos sonnios,
istrinende pipiriolos de ammentu
a promissas de deris.

Betzos istudados ant atzesu s’ispera,
pro brincare fogarones de tuddu.

Ma bastat unu sartiu pro torrare a bolare?