Innu Sardu Nassionale

cantat Franco Sechi

Sardigna, Pàtria amada!
(Melodia de "Procurade...")

 

1. Sos Sardos siant pro Te,
Terra nostra alabada,
Sardigna, Pàtria amada,
fortza paris pro Te!
Sunt sos sèculos passados
in mesu a tantas penas,
su sàmben' de sas venas
ispartu amus pro Te!
Sardigna, Pàtria amada,
fortza paris pro Te!

2. Hoe est bènnidu su tempus
pro su Pòpulu Sardu
de artziare s'istendardu:
semus totu pro Te!
E s'arbèschida già lughet
de sa Nassione Sarda:
mai ànima guvarda
siat, Mama, pro Te!
Sardigna, Pàtria amada,
fortza paris pro Te!

3. Sa nadia Limba nostra
cherimus faeddare
e bia l'intregare
a sos fizos pro Te!
E deféndere cherimus
sa nostra identidade
e paris dignidade
in Europa, pro Te!
Sardigna, Pàtria amada,
fortza paris pro Te!

4. Dae sa mente e dae su coro
dogni trabagliu umanu
modernu crescat, sanu,
siat bantu pro Te!
E sa Terra nostra ermosa
cherimus cun sabiesa
in tota sua nidesa
amparare pro Te!
Sardigna, Pàtria amada,
fortza paris pro Te!

5. E su Mare Nostru mannu,
mare de libertade,
de paghe e amistade,
siat domo pro Te!
E su Pòpulu 'e Sardigna
est semper soberanu!
Pàtria amada, est beranu:
vida longa pro Te!
Sardigna, Pàtria amada,
fortza paris pro Te!

Benito Saba, 2008

PREMIU "FRANTZISCU IGNATZIU MANNU" a sa 50ª Editzione de su PREMIU OTIERI DE LITTERADURA SARDA - 27 'e cabidanni 2009

Sas àteras versiones in totu sos faeddos de sa Sardigna s'agatant in su sìtiu web www.innusardu.eu