Sa trista odissea
di Gaspare Mele

Poi vintichimbe dies es finida
sa trista odissea de su mare.
Como toccat de nou a cominzare
un'attera odissea de sa vida.

Ahi! no creìa de accatare
insidias malas in custa terra infìda.
Su sole ballat che una frama rida.
S'aera no si podet respirare.

Sa zente poveritta e ispozada
de pannos, de vivere e de cosa,
trascurada in s'abbandonu pius duru.

Mi hat dadu a su coro un'istoccada
a bider custa iscena piedosa!
Paret chi sunfra che issos jeo puru!


Chisimaio (Somalia), 10/04/1935

 

Statistiche sito,contatore visite, counter web invisibile
WOP!WEB Servizi per siti web. Contatori, statistiche, forum, sondaggi... GRATIS!