SA SARDIGNA DAE DERIS A OE
di Pietro Zedda

Sa terra sarda dae deris a oe,
dae cando buscosa fit cumpreta
annos non sunu ne otto ne noe,

dae s'antigu nuraghe a sa pinnetta
tra mudregos, tirias e lidones
cando de catza campian a petta;

de bestias arestes a massones
truvas de catzadores e cannalzos,
cun crabolas e mugras e sirbones,

e porcos sardos nieddos e balzos
tra sos litos e pasidas pasturas,
cuiles de pastores e crabalzos.

Cantas rebottas e isaladuras
in cussos cuileddos ana fattu,
in pinnetas fumosas e iscuras,

cun bertulas e buzas de olzattu
da cant'iscarsu fit su pan'e trigu,
fit donzi cuileddu soddisfattu......

(Gavoi)