Divinu Messia
Po Deus ti adoru
Dormi fill'e coru
Riposa ninnia

In sa poberesa
Ses naxiu Gesusu
Is esempius Tusu
Fu tottu grandesa
Fu tottu bellesa
Paxi e allegria
Dormi fill'e coru...

O angelus baxi
Cun canticu bellu
Gloria a Deus in Celu
A is ominis paxi
Su mund'a cumpraxi
Cun sa melodia
Dormi fill'e coru...

Angelus portai
Novas a is pastoris
Po rendir'onoris
Gesus visitai
Ddeis a incontrai
Cun Giusepp'e Maria.
Dormi fill'e coru...

Postus in camminu
Fiant'is tres Reis
Si prostant'a peis
De Gesus bambinu
E fendi s'inchinu
Cun pregadoria.
Dormi fill'e coru...

Sinzillu de coro
Is tre reis bonus
Offerinti is donus
Mirra, incensu e oru
Sa guida in soru
Fu sa stell'e ghia.
Dormi fill'e coru...

Grutta valorosa
Po bellu destinu
S'Infanti Divinu
T'ha fattu preziosa
Betlemme diciosa
Nad'in profezia
Dormi fill'e coru...

Grutta accoglienti
Sesi stada appoggiu
Has donau alloggiu
A Gesus nascenti
Dda canta sa genti
cun giust'armonia.
Dormi fill'e coru...

Gesus amorosu
Mira is affriggius
Protegg'is pippius
O Rei piedosu
chi tenganta gosu
S'ore s'agonia.
Dormi fill'e coru...

Gesus Salvadori
De s'umanidadi
Tieni piedadi
De su peccadori
S'innu de amori
Offrir'in poesia.
Dormi fill'e coru...

C.P

©. 2026 Raimondo Murgia - Tutti i diritti riservati