Sa Mama
di Giuseppe Concas

Azzendede in su coro una fiama
cun amore sinzeru e cun disizzu
cando sa mama abbrazat su fizzu
cuntenta cun affettu tenet brama
ricambiat su fizzu pro sa mama
ca s ‘amore maternu ‘nd’hat prestizu
l‘assistit a bezzesa e non l‘ignorat
finas a sa morte sa mama l‘adorat.

Oh! Mama mia piena de virtude
chi has passadu benes e affannos
e como chi c‘has sos fizos mannos
ti mancada in parte sa salude,
si ti torreran insegus sos annos,
connoscher che a primma in gioventude
diat esser pro me tanta allegria
a bider giovanedda a mama mia.

 

Statistiche sito,contatore visite, counter web invisibile
WOP!WEB Servizi per siti web. Contatori, statistiche, forum, sondaggi... GRATIS!