Sa limba mia

Sa limba chi faeddo est sa nadìa,
sa chi an faeddadu sos mazores.
La tian faeddare sos minores
chi sun naschidos in sa terra mia.

Est una limba piena de maìa
chi ti pinghet, cantende, sos colores,
fiorit in laras che-i sos fiores,
mudat in mele finas sa traschìa.

Est una limba antiga, dispretziada
dae cuddos padronos furisteris,
unturzos in pumas de columba.

Chie dae sa titta l'at sutzada,
oe la faeddat che gianteris.
… Mortu, si che la leat a sa tumba.

Nino Fois 20.1.87