Sa crisi
de Vanna Flore

Bombas, furtos e rapina
han portadu a sa rughina,
est sa crisi hana nadu
su trabagliu no han dadu.

_____So aberu disperadu
_____Su guvernu ha disertadu.

A istudiare so andhadu
cun sa lode laureadu,
s’impiegu m’han negadu
nisciunu m’ha raccumandadu.

_____So aberu disperadu
_____Su guvernu ha disertadu.

Né fizzos, né muzere
podo prus cuverrenare,
oje non m’hana istipendiadu
recatu no hapo comporadu.

_____So aberu disperadu
_____Su guvernu ha disertadu.

S’imposta no hapo pagadu
sos benes hana sequestradu,
poveru so torradu
sa banca no m’hada aggiudadu.

_____So aberu disperadu
_____Su guvernu ha disertadu.

A iscola so andhaha
su dinare non bastavada,
a domo so torrada
in coro isconsolada.

_____So aberu disperadu
_____Su guvernu ha disertadu.

S’affittu no hapo consignadu
so istadu isfrattadu,
chene allozzu m’han lassadu
abusivu so intradu.

_____So aberu disperadu
_____Su guvernu ha disertadu.

Pro essere ascurtadu
unu mese hapo jeunadu,
a s’uspidale m’han ricoveradu
operaiu so malassortadu.

_____So aberu disperadu
_____Su guvernu ha disertadu.

Chene pane, né isettu
prango sa notte in su lettu,
postu inbanu hapo chircadu
non m’hana collocadu.

_____So aberu disperadu
_____Su guvernu ha disertadu.

Cada die a dimostrare
die, die a protestare,
nisciunu m’hada ascurtada
hapo a morrere cassintegrada.

_____So aberu disperadu
_____Su guvernu ha disertadu.

Artigianu so istadu
sa crisi m’hada affogadu,
sa buttega hapo serradu
a campusantu so faladu.

_____So aberu disperadu
_____Su guvernu ha disertadu.

Oje m’hana licenziadu
a una turre so arziadu,
su mundu hapo salutadu
a domo non so torradu.

_____So aberu disperadu
_____Su guvernu ha disertadu.