Sa bisita de Paba Franziscu
de Deligia Salvatore

Su Pastore nostru est benniu a nos fagher bisita su 22 de Cabudanni 2013

Arrivadu est Paba Franziscu
cun s'aerolante de su Vaticanu
Duminiga prestu a su manzanu
pro nos dare su Domine Vobiscu.

Dae Su Masu finas a Casteddu
in s'istrada 'e zente semenada
finzas a sa Bonaria iscalinada
pro divulgare su sou faeddu.

In treghentosmila assieppados
t'isettana comente Zesu Cristu
lassande nessunu a coro tristu
isperanzosos d'esser azudados.

B'est Zacheo subra 'e sa pianta
in prima fila su riccu epulone
sos politicos cun su gonfalone
e sas Marias sunis canta canta.

A preigare in mesu su desertu
tra zente chi pane hat mancante
dimanda a chie est politicante
de nos dare tribagliu zertu.

De poberesa ndasa bistu meda
in mesu sas favellas Argentinas
zente senze cura e meighinas
a sa disperatzione sun'in preda.

Onzi sufferente as iscurtadu
zovanos detenutos disocupados
iscurtande sos insoro contados
ti ses impari a issos afiancadu.

Sa cosa pius importante 'e sa vida
chi su tribagliu non siat mancante
e aturare attentos a su lestofante
non si che furet s'ispera dechida.

Sacrosantu est su chi tue naras
fra de nois si devimos azudare
chi est-in podere deve donare
inveze de che furriare sas caras.

Auguramos chi su mor'e unidade
dae Franziscu a nois comunicadu
siat semper de onz'unu regodadu
pro viver cun amore e amistade.

Ilartzi su 23 de Cabudanni 2013