Sa bertula 'e Zuri in regalu a Paba Franzisku
de Salvatore Deligia

A Lampedusa t'hana regaladu
ne oro ne prata e nen zircone
ma unu caligh'e linna 'e barcone
imparis a sos profugos arrivadu.

Nois una bertula a manu tessida
ti regalamos cun tottu su coro
balet cantu unu nobile tesoro
pro s'istoria ch'intro hat custodida.

Bertulas a sa de Zuri uguales
in Arghentina medas sind'hat bistu
Cun babbos nostos sunis approdadas

A valigias de cartone affiancadas
istuzzados in sa nae che animales
lassande sa Sardigna a coro tristu.


Ghilarza, 16 Settembre 2013