S’ISTRADA NOSTRA
Luisa Scarpa Chessa

Ognunu andat in s’istrada sua
giusta chi siat o puru isbagliada,
mai niunu si l’hat cambiada
si la mantenet ca est sorte tua.

Inutile currer a totta fua,
fagher fadiga cand’est in pigada,
fazil’e si la leas in falada
muru muru timende chi no rua.

No b’hat istrada fazil’e segura,
est bene si t’aggiuat sa fortuna
ca no has pensamentos, né premura.

Diffizile puru est haer sa luna,
in medas la disizana cun cura,
haer s’astru no b’hat spera perùna.

 

Statistiche sito,contatore visite, counter web invisibile
WOP!WEB Servizi per siti web. Contatori, statistiche, forum, sondaggi... GRATIS!