S’Isteddu ‘e su pastore
de
Pietro Delogu

Es’pasculanne
in “cuccumache”
sa bacca purpurìna
‘e su sero

Su baccarju
‘e sos chelos
es’turbanne sos boes
a su bacchile mannu.

In juncarjos
tremulos d’umbras
son sorrocranne
sas ranas.

Murmuttan
a s’iscuja
in sos chercos nigheddos
sos nidos.

Runnan
che isteddos bagabundòs
tra mattas e rubos
sos culiluches.

In cara
m’es frullananne
chin alas pesantes
s’istria.

In su passiale
ingalenadu
es’pasanne
istracca sa gama.

Repentìnu
“chenadorju”
che cherbu luchente
ispuntat’sulenu.

…Er ja notte……

A bribidos, isconsoladu
Jeo
m’accubìlo solu
chin sa melancunia.

“Cuccumache”: Muntricu’e bidda

Menzione d’onore-premiu de literadura-“Seunis-Tiesi” 2017