De nou a custa manna Capitale
Che semus o Luisu rientrados
Lassande de Ardaule in sa Natale
Parentes e amigos istimados
Su Tirsu S’Omodeu e su Canale
Monte Binzas e fruttos prelibados
Tantu este iscrittu in Sarca Mondiale
S’Andare e Bennere de sos emigrados
Ma cun forza devimos isperare
Tottu sas trinta dies de su mese
Ischinde chi sa Vida in terra est’una
Sempre cun s’isperanzia e bi torrare
De Ardaule a su nostru paese
Cun Bonu Umore Salude e Fortuna
______________________________
Tantu ischimos bene a narrer francu
Chi dogni die chi passada est de mancu
Courbevoie Su 6/10/2013
