RISTORO IN SAS PENAS
di Mario Maccioni

Cantu ses bellu maju incantosu,
de fiores divinos as tesoro,
de cantos d'aer lentinas d'oro
tue ses dispenseri generosu.

Unu palpidu dulche affettuosu
su coro sentit po s'atteru coro,
deo puru in sas penas mi ristoro
e suspendo su mantu luttuosu.

Paren cantende cun gentile ardore
sos puzoneddos tottu innamorados
unu cantu gentile a su Signore,

e profumadas, soaves e delicados
paren mantende a issu onzi fiore
tra colores de s'iride ammajados.

(Desulo)

 

Statistiche sito,contatore visite, counter web invisibile
WOP!WEB Servizi per siti web. Contatori, statistiche, forum, sondaggi... GRATIS!