Rimpiantos
de Rosina Cossu

Unu timidu carignu m’imboligat
in sa friscura de su sero,
mirende su mare
e disizende torradas de amore.

Toccheddat su coro feridu
dae chimeras isvanessidas,
in su entu de antigos rimpiantos
e annegadas in s’anda e torra
de un’unda chena sentidu.

E deo… in sa rena…
Goi, frimma, in su vanu isettu
de uni passu andantanu,
chi mi lasset umbras de ammentu
chi mai potan sessare.