Pro sa morte de s’Amigu Poeta e Paesanu Mario Urru
di Serafino Putzolu

Caru Mario amigu e cumpanzu istimadu
Mi lassas attristadu in terra anzena
Narrere chi ses mortu e ispiradu
Lassande sos prus caros tottu in pena.

Pro Cristos ant piantu e lagrimadu
Veronica Maria e Madalena
Deo pro Te appo lagrimas versadu
Cand’appo tentu sa dolente iscena.

Mi fis caru in sos palcos e lu anto
Onore veru a s’Elicona paesana
E mai ti potto in vida ismentigare.

Sos versos bellos e sa ’oghe ’e campana
Cun tegus sempre fio cuntentu ’e cantare
Ma como chi mi mancas cun chie canto?

Courbevoie, 29 Giugno 2009