Muzere mia cara ite cuntentu
nde so su t’ider torra rea in pès,
oe ti ses pesada, crèe no crès
poi de bator meses de turmentu

Ch’in perìgulu fit sa vida tua
faghindenos timire dies malas,
oe s’ispera est chi addae de palas
che siant sempre malannos e lua

e chi potemus bider dae nou
calchi die serena in s’orizonte.
Rajos de sole ti lugant in fronte
e diant paghe a su coro tou.

De domo sias mere pretziosa
ca si mancas sa vida no at sensu.
Ti siat s’amore nostru unu cumpensu
chi ti rendat felitze, amada isposa.

In Velletri su 3 de austu 2025

Roma su 22 de triulas de su 2013